Se queres coñecer un pouco máis a fondo as nosas liñas de traballo e a súa fundamentación, podes consultar o documento ENTREPOBOS: PRINCIPIOS, CRITERIOS E OBXECTIVOS DA NOSA ACCIÓN SOLIDARIA, 2016 a 2020.

Este documento é froito dun proceso de dinámicas participativas nas que nos temos implicado dende 2013 (a partir dos importantes cambios no contexto social e nas políticas de cooperación) e ata a Asemblea de 2016, as Organizacións territoriais de Entrepobos, a Xunta Directiva, a Oficina Técnica e as e os cooperantes sobre o terreo.

Seguindo as normativas voluntarias de transparencia e bo goberno establecidas na Coordinadora de ONG, presentamos nesta páxina as memorias anuais de Entrepobos dos 3 últimos anos. Nestas memorias podes atopar información exhaustiva das actividades e campañas nas que temos traballado, as accións de cooperación internacional que temos apoiado, as institucións públicas e colectivos sociais que colaboraron, así como o balance económico, acompañado do informe da auditoría externa.

Indo un pouco máis alá neste compromiso de transparencia, tamén poderás ver nesta páxina o documento completo da auditoría externa do último exercicio.

Entrepobos conta con aportacións económicas que se nos confiaron para destinalas a proxectos concretos (fondos finalistas), como poden ser as subvencións, as campañas de emerxencias e o financiamento por vía directa. Nestes casos, a nosa organización comprométese a informar sobre o destino destes fondos segundo se estipule en cada caso cos financiadores en cuestión, e sempre dende os valores de transparencia, responsabilidade e rendición de contas que nos caracterizan como organización.

A efectos de transparencia e xeración de procesos de aprendizaxe, compartimos os nosos informes de avaliación do proxecto.